Dy aktorët e njohur të serialit “Trumcaku”, sapo kanë marrë një lajm tejet të bukur. Së shpejti ata do të bëhen prindër për herë të parë. Fahriye duket se është shtatzënë prej dy muajsh, por vetëm tani lajmi është bërë publik. Çifti janë martuar në një ceremoni mbreslënëse në Qershor të 2017-tës dhe prej asaj kohe, kanë treguar shpesh se kishin dëshirë të bëheshin prindër së shpejti.
Burak ka treguar se në momentin që ka marrë lajmin nga partnerja e tij, është përlotur dhe nuk i ka përmbajtur dot emocionet. Menjëherë pas kësaj, ka telefonuar babain e tij dhe e ka njoftuar se së shpejti do të bëhet gjysh. Për dy aktorët e njohur, kjo është periudha më e bukur të cilën duket se po e shijojnë pafund.
