Burak Ozçivit dhe këngëtarja e njohur rumune Inna, janë imazhet e një kompanie me produkte flokësh. Rrjedhimisht ata duhet të punojnë bashkë qoftë për reklamat zyrtare apo edhe në sete të ndryshme fotosh dhe paraqitje publike. Reklama e parë e xhiruar me dy personazhet ka zgjatur plot 5 ditë.
Gjatë këtyre ditëve, gruaja e Burak, Fahriye Evcen, nuk e ka lënë bashkëshortin e saj asnjë moment vetë në set xhirimi. Përveç kësaj, burime pranë tyre thonë se ajo nuk e ka lejuar Burak as që ta ndjekë këngëtaren në rrjete sociale. Praktikisht, përveç momenteve të xhirimeve, ajo nuk do që partneri i saj të ketë asnjëlloj komunikimi të mëtejshëm me rumunen Inna.
