Aktori i njohur Furkan Andic ka festuar ditën e djeshme në Karakoy ditëlindjen e tij. Së bashku me të dashurën e tij, aktoren Dilan Çiçek Deniz dhe një grup miqsh, aktori ka festuar deri vonë dërisa në lokalin ku ata ishin të pranishëm janë mbledhur gazetarët.
Sipas shtypit turk, Furkan dhe Dilan janë larguar nga dera e pasme dhe kështu u kanë shpëtuar fotografive dhe pyetjeve ngacmuese.
Furkan Andic, aktualisht 28 vjeç, ka lindur më 4 Prill 1990 në Turqi dhe njihet si aktor dhe model. Në vitin 2012 u diplomua në Yeditepe University ndërsa karriera e tij si aktor nisi që në vitin 2005 me serialin Kirgin Cicekler. Në vitin 2017, ai u bë pjesë e kastit të “Përralla e pafajësisë” në rolin e Savash.
