Në episodet e para të serialit “Perla e zezë”, ndër të tjera, u dallua edhe një aktore e cila është jo vetëm e bukur por edhe mjaft e talentuar. Po flasim për Cagla Demir, e cila vjen në rolin e Exhes. Megjithatë, kjo nuk është hera e parë që pubiku shqiptar e sheh këtë aktore në ekran. Ajo ka interpretuar gjithashtu në serialin “Dashuri e pafund” në vitin 2016. Megjithatë, roli i saj në serialin me protagonist Neslihan Atagul dhe Burak Ozcivit, ishte i shkurtër.
Cagla Demir ka lindur në vitin 1992 në Samsum. Ajo ka studiuar për aktrim, edhe pse fillimisht u mor me modeling. Eksperienca e parë për të si aktore ishte në serialin Mezcezir.
Në jetën e saj private nuk ka ende asnjë njeri. “Dashuria është një mrekulli e rrallë. Kam qenë dëshmitare e dashurisë së prindërve të mi, ndaj e them këtë. Vet nuk e kam përjetuar ende” – shprehet Demir.
