Nëse një aktore synon të jetë protagonistë në rolet që luan, patjetër që nuk mund të shmangë skenat e puthjeve. Megjithatë, aktorja e njohur e “Mos u dorëzo”, Amine Gulse nuk i realizon me shumë dëshirë skena të tilla. Sipas gecce.com, në këtë vendim të saj ka ndikuar bashkëshorti i saj i ardhshëm, futbollisti Mesut Ozil. Madje, mediet shkuan deri aty sa u shprehën se Amine do t’i thotë jo përgjithmonë skenave të tilla.
“Nuk më pëlqejnë të tilla skena, por na duhet t’i realizojmë nëse parashikohen në skenar. Mesut e di që unë jam aktore dhe më mirëkupton”- është shprehur Miss Turqia.
Mesa duket, edhe kësaj herë shtypi e ka ekzagjeruar disi. Amine Gulse është një aktore mjaft premtuese dhe ky është vetëm fillimi i karrierës së saj.
