Sot, aktori Tolgahan Sayisman është një nga më të kërkuarit në Turqi. Megjithatë, tek kujton se si u fut në botën e kinemasë, 35 vjeçari tregon edhe një histori aspak të zakontë.
“Në vitin 1998, përpjekjet e mia për tu bërë pjesë e botës së kinemasë ishin maksimale por kishte kaq pak prodhime sa ishte vërtet e vështirë. Kështu që hoqa dorë dhe u vendosja të ikja jashtë vendit për tu marrë me modeling.” – ka thënë Tolgahan.
“Një ditë tek bëja serf në Alacati, një iriq deti më hyri në këmbë dhe për thuajse 10 ditë nuk munda të ecja, ndaj plani im për të ikur jashtë u anullua menjëherë. Në atë kohë, më telefonon skenaristi Alican Yaras i cili më fton në një projekt të ri. Pranova dhe kështu fillova të interpretoj në seriale.”
I pyetur në lidhje me planet e tij për Vitin e Ri, Tolgahan është shprehur se ai dhe Almeda kanë vazhdimisht një destinacion të ri për të udhëtuar ndaj me siguri edhe për Vitin e Ri do të shkojnë në ndonjë shtet tjetër.
