Aktorja e njohur e serialit “Dashuri me qira” është një ndër vajzat më aktive në rrjetet sociale. Me portretin e ëmbël dhe elegancën që e karakterizon, Elçin ka bërë për vete zemrat e publikut. Rolet e saj kanë rezultuar gjithmonë të suksesshme dhe projektet sa vijnë e shtohen. Por, nëse shihni Instagramin e saj, duke përfshirë edhe përditshmërinë e aktores, do të kuptoni diçka: Elçin nuk shfaqet e “brishtë” vetëm në rolet që aktron. Delikatesa dhe pafajësia gati fëminore, dominon në portretin e saj, pavarësisht karakterit që duhet të luajë nëpër seriale, reklama apo edhe thjeshte photoshoot.
Aktorja ka zgjedhur të shfaqet përherë elegante dhe e thjeshtë dhe kjo i vjen mëse natyrshëm. Duhet të kërkoni shumë, por zor se gjeni një foto të saj me një look të ekzagjeruar, “agresiv” apo poza provokuese. Në të kundërt të shumë aktoreve të tjera, të cilat zgjedhin përherë imazhin e “vajzës seksi”, Elçin ka zgjedhur të jetë vajza e ëmbël dhe lozonjare. Pak a shumë, imazhin e vajzave të cilat shpesh herë mund të kemi dëgjuar nga mamatë tona frazën: “Pse nuk merr shembull nga ajo?”
