Baris Arduc dhe Gupse Ozay janë dy aktorë mjaft të suksesshëm në Turqi dhe secili prej tyre numëron mijëra fansa. Megjithatë, është e çuditshme se fansat e dy aktorëve nuk e “miratojnë” dashurinë e tyre. Në një intervistë për posta.com, aktorja e njohur ka folur hapur, pas tre vitesh bashkëjetesë me Arduc.
“Kam përjetuar shumë ankth për lidhjen tonë, i kam dëgjuar të gjithë komentet që janë bërë për dashurinë tonë. Ndodh që kur je një figurë e njohur, të gjithë të flasin për ty pasi ka shumë kuriozitet por kjo është diçka mjaft stresuese për mua. Dashuria nuk është e bukur apo e shëmtuar, e famshme apo jo, ajo nuk zgjedh. Ishte një rastësi dhe ne u dashuruam. A mund të bëjmë gjë kundër kësaj?” – ka thënë aktorja.
Baris dhe Gupse u njohën në shesh xhirimin e filmit “Deliha”.
