Berkay Hardal, aktori të cilin e njihni nga seriali “Nusja nga Stambolli” është ende në fillimet e karrierës së tij. Megjithatë, ai ka një numër të konsiderueshëm fansash, të cilët e ndjekin anembanë botës. Rasti më i fundit, ishte ai i Izraelit, ku fansat e aktorit kanë pushtuar qendrën tregtare në të cilën ai ndodhej.
Berkay ndodhej në Izrael për të zhvilluar disa takime me fansat dhe konferenca për shtyp. Mbi 5000 persona është raportuar se kanë qenë prezentë për orë të tëra, teksa prisnin që Berkay të shfaqej e pse jo nëse do ishin me fat, të bënin edhe një foto me të.
