Ndoshta është edhe çështje kurioziteti më shumë, por pas një martese të një çifti të famshëm ose jo, pyetja që ata dëgjojnë më shpesh është kjo: “Kur do të bëheni me fëmijë”? E njëjta situatë duket se i ka ndodhur edhe supermodeles shqiptare Afërdita Dreshaj.Vetëm pak muaj më parë, ajo kurorëzoi dashurinë e saj me futbollistin çek Jakub Kindl, në një ceremoni elegante me familjarët dhe miqtë më të ngushtë të çiftit.
Pasi shijuan muajin e mjaltit në një parajsë tropikale, Afërdita dhe bashkëshorti i saj i janë kthyer ritmit të jetës së përditshme, me angazhimet dhe detyrimet respektive. Por, të shumtë janë ata që i dërgojnë mesazhe bukuroshes shqiptare, e që vijojnë ta pyesin me shumë kureshti se kur do të bëhen prindër për herë të parë.”O Zot, sa shumë më paskeni imagjinuar mua mama…Kam mbi 30 pyetje të tilla. Patjetër që një ditë, do të bëhem nënë edhe unë”, shkruan ajo në instastory.
