Era Istrefi e njohur ndryshe si ERA është një këngëtare dhe tekst-shkruese shqiptare. Ajo u bë e njohur për publikun me këngën e saj debutuese “Mani per Money” në vitin 2013. Në janar 2016, Era Istrefi fitoi një vëmendje të madhe ndërkombëtare me këngën “Bonbon”, duke u krahasuar edhe me Rihanna apo Sia. Për shkak të këtij suksesi, ajo lidhi kontratë me shtëpitë e mëdha diskografike amerikane Sony Music Entertainment dhe Ultra Music në shkurt 2016.
Era Istrefi ka lindur në 4 korrik 1994 në Prishtinë. Pirndërit e saj janë Suzana Tahirsylaj- një këngëtare kosovare gjatë viteve 1980 dhe 1990- si dhe Nezir Istrefi- gazetar. Pas largimit nga jeta të babait në vitin 2004, mamaja e Erës e braktisi karrierën muzikore. Në 25 maj 2018 u publikua kënga për “Official FIFA World Cup” ku këngëtarë ishin Era Istrefi së bashku me Will Smith dhe Nicky Jam.
