Ajo do të jetë këtë vit përfaqësuesja e Qipros në “Eurovision”. Eleni Foureira, një këngëtare e njohur prej vitesh në Greqi, por që emri i saj bëri bujë pasi mohoi origjinën shqiptare. Së fundi, duke folur në një emision televiziv grek, Foureira zbuloi edhe arsyen pse e fshehu origjinën për një kohë të gjatë, si edhe cili është emri i saj i vërtetë:
“Në atë kohë vendosëm bashkë me familjarët e mi, që mos të tregojmë se jam nga Shqipëria, që të duan Eleni Foureiran për atë që është. Po, ishte veprim i gabuar. Megjithatë, nëse do të kthehesha pas në kohë, nuk e di nëse do të veproja ndryshe”, tha këngëtarja me origjinë shqiptare.
