Cem Yilman dhe Defne Samyeli, janë fotografuar teksa kishin dalë për shoppin në një qendër tregtare në Stamboll. Të dy shumë të suksesshëm, me një karrierë që do e dëshironte çdokush, por nga ana tjetër me një “vendim” që nuk do e zbatonte dot çdokush. Edhe pse kur flasim për personazhet e njohur, gjëja e parë që na shkon në mendje janë shifrat e “frikshme” që ata fitojnë dhe shpenzojnë, mund të themi me bindje se ky nuk është rasti i Cem dhe Defne.
Të pyetur nga gazetarët sesa kishin shpenzuar në blerjet e tyre dhe në darkën që konsumuan, Cem është përgjigjur: “Nuk mund t’u them një shifër konkrete për mbrëmjen e sotshme, pasi është diçka që nuk dua ta ndaj. Por di t’iu them diçka, që ne kemi caktuar një buxhet ditor. Në asnjë mënyrë, nuk e tejkalojmë atë, pavarësisht sesa fitime mund të kemi korrur në periudha të ndryshme.” Cem dhe Defne, kanë vazhduar kështu rrugën e tyre, të kapur përdore e duke treguar sërish se janë një nga çiftet më të qendrueshme turke.
