Aktori i njohur, Eddie Murphy ka zyrtarizuar marrëdhënien me të dashurën e tij, Paige Butcher. Persona të afërt pranë tyre kanë konfirmuar lajmin e fejesës për ‘ET Online’. Kjo vjen pasi 39-vjeçarja u shfaq gjatë kësaj jave në Los Angeles me një unazë të madhe diamanti.
Murphy dhe Butcher janë bashkë që prej vitit 2012-të dhe janë prindër të një vajze 2-vjeçare. Përpara se të planifikojnë martesën, aktori dhe e fejuara e tij presin të bëhen prindër për herë të dytë. Kujtpjmë se Eddie Murphy do të bëhet baba për herë të 10-të, sepse ai ka dhe 8 fëmijë të tjerë nga marrëdhëniet e tij të mëparshme.
