Këngëtarja shqiptare me famë botërore Rita Ora javë më parë ka publikuar videoklipin e saj “Your Song”. E pikërisht kjo këngë doli të jetë arsyeja pse Rita së fundmi është tallur keq nga fansat e saj. Këngëtarja 26-vjeçare në profilin e saj në Instagram ka publikuar një fotografi ku inkurajon fansat për të blerë këngën e saj në bashkëpunim me Ed Sheeran.
Fansat e Ritës kanë sugjeruar se fotografia që ajo ka ndarë në Instagram ku shihet pozicioni i saj në krye të iTunes UK5, tregon se ajo ka blerë këngën e saj sepse aty kishte një buton ‘play’ në vend të një ‘buy’ pranë tij, diçka që ndodhë në faqe vetëm kur keni blerë tashmë diçka. Megjithatë një zëdhënës i Rita kishte thënë se të gjithë artistët blejnë një kopje të këngës së tyre.
“Ata nuk mund të presin që tifozët të blejnë nëse nuk e kanë blerë fillimisht vetë atë”, kishte shtuar ai.
