Përpara pak javësh Dua Lipa ka njoftuar se në 10 gusht do të jetë në Prishtinë për të performuar, duke qenë se do të nisë turneun e saj muzikor në Europë. Për këtë arsye edhe interesimi nga fansat e saj shqiptar ka qenë i madh. Megjithatë edhe pse pak nga pak muajt e verës po afrojnë, Dua nuk ka bërë ende të ditur se sa do të kushtojnë biletat dhe në çfarë kohe do të fillojë shitja e tyre.
Megjithatë, babai i saj ka zbuluar se biletat do të dalin në shitje zyrtarisht në fund të këtij muaji dhe çmimet e tyre do të jenë të përballueshëm nga të gjithë, pasi do të jenë të përshtatura sipas standartit të jetesës së qytetarëve. Bashkë me Dua Lipën, në koncert do të marrë pjesë edhe një tjetër këngëtar shqiptar, Albert Stanaj.
