Këngëtarja me origjinë shqiptare së fundmi është duke shijuar suksesin e projektit të saj të ri “Electricity”. Mesa duket për të festuar për këtë sukses ajo ka udhetuar drejt shtetit të Nevadës në SHBA së bashku me të dashurin e saj modelin Isaac Carew për disa pushime të shkurtra në prag të turit të saj të rradhës.Gjithsesi mbrëmjen e djeshme ajo nuk është parë në shoqërinë e të dashurit të saj por është fotografuar në krah të disa prej artisteve latine më të famshme në botë.
Në fakt ka qenë njëra prej tyre, Jennifer Lopez. e cila ka postuar një fototgrafi në llogarinë e saj të Instagram me përshkrimin “Mbrëmje qefi” dhe shfaqet duke pozuar me Duan, aktoren e famshme Sofia Vergara, këngëtaren e hiteve latine Becky G dhe artisten e njohur Jessica Alba. Sigurisht që në foto duket dhe partneri i pandashëm i JLO, Alex Rodriguez, por ajo që na bën përshtypje ne është prania e këngëtares shqiptare nën shoqërinë e tyre.Njëra nga mundësitë është që të gjithë të jenë mbledhur në shfaqjen muzikore që Lopez jep në qytetin e Las Vegas-it, pjesë e shtetit të Nevadas ku Dua po kalon pushimet.
Por ndoshta ajo është pjesë e grupit shoqëror të latineve më të sukseshme të momentit dhe ne po e marrim vesh vetëm tani. Sido që të jetë, këngëtarja e hitit “One Kiss” duhet të jetë shumë e lumtur pasi të quhesh “e bukur” nga JLO, epo është arritje. E vetmja gjë që ka mbetur tani është të dëgjojmë një bashkëpunim midis Lopez, Dua-s dhe Beckyt, imagjinojeni pak.
