Një modele Instagrami nga Kalifornia, po përpiqej të realizonte foton perfekte në brigjet e Bahamas-it. 19 vjeçarja Katarina Zarutskie, kishte dëgjuar për grumbullin e peshkaqenit të llojit Nurse, që qëndronin në breg të ishullit dhe mendoi se përveçse një eksperiencë të bukur, ajo do të kishte një foto fantastike si kujtim për në Instagram.
Teksa miqtë e saj ishin duke filmuar modelen, një peshkaqen i kafshoi dorën. “E kisha kyçin në gojën e tij dhe mund t’i ndjeja dhëmbët se si lëviznin nën lëkurë. Jam vërtet me fat që e kam ende dorën time dhe që jam gjallë,” ka thënë Katerina. Peshkaqenët Nurse, në fakt njihen si një lloj paqësor, por megjithatë gjithmonë ka përjashtime.
