Charlie Puth dhe Selena Gomez, kanë bashkëpunuar për hititn “We don’t talk anymore’, këngë e cila ka qëndruar në majë të klasifikimeve në vitin 2016. Së fundmi, Puth ka treguar në një intervistë se ai dhe Selena kanë patur një histori të shkurtër bashkë. Nuk është bërë kurrë publike, pasi ishte diçka që mbaroi shumë shpejt.
“E vetmja mënyrë që një këngë si ajo të funksiononte dhe të diltë e bukur, mes nesh duhej të kishte diçka. Ajo që përjetuam ne ishte diçka e shkurtër, por me shumë impakt tek unë. Në fakt, më ka bërë shumë konfuz. Unë nuk isha i vetmi person për të cilin ajo mendonte, e dija mirë këtë gjë. Prandaj, nuk e kam kuptuar kurrë se si mund të bëhesha pjesë e kësaj historie.”
