Të gjithë e njohin Rita Orën si këngëtare nga Kosova. Megjithatë, biografi i Besim Sahatçiut, gjyshit të Ritës ka dhënë një deklaratë e cila ka hedhur poshtë atë që deri më sot dimë për kënëgtaren e mirënjohur.
“Besimi vdiq në moshën 75-vjeçare në 2005-n. Ai kishte lindur në vitin 1935 në Pejë, atje ku bë kuvendi i famshëm i Pejës. Familja Sahatçiu nuk është nga Kosova me origjinë, zanafilla e tyre është nga Shkodra”, është shprehur Kopi Kyçyku në një intervistë për “Shqiptarja.com”.
“Familja Sahatçiu e ka origjinën nga familja Kazazi e Shkodrës. Më shumë se 100 vjet më parë ata shkuan përtej Drinit dhe mbetën andej, por ruanin komunikimin. Kur u ndanë tokat e Shqipërisë më 1913-n, ata mbetën përfundimisht jashtë kufirit. Pra, këta i shkëputën lidhjet me Shkodrën dhe më pas shkuan edhe në Prishtinë, ushtruan zejen e orëndreqësit që në atë kohë përdorej turqisht Sahatçiu. Tani Rita Ora e ka bërë mbiemrin në shqip, një fjalë që dhe ne, dhe shumica e botës e kemi marrë nga latinët”, ka treguar Kyçyku.
