Tian është gëzimi i prindërve të tij, dhe ditëlindja e vogëlushit nuk mund të kalonte pa një festë të bukur në familjen Berisha. Djali i Tunës dhe Patrisit mbushi dy vjeç, e këngëtarja i shkroi një mesazh mjaft emocionues, edhe pse postimin ai nuk di ta lexojë ende.
“Arritja ime më e madhe në jetë je ti për mua. Titulli më i bukur që kam del nga goja jote. Urime ditëlindjen jetë. Të don Mami&Babi”, ka shkruar ajo. Ndërkohë nuk është e qartë nëse në festë kanë qenë dhe Nora dhe Roberti, megjithatë ky i fundit ka hedhur në rrjetet sociale një foto urimi ku Tiani shihet në krah të të atit dhe kushërirës Reneé.
