Dafina Zeqiri dhe Ledri Vula kanë qenë ndër çiftet më të përfolura në media dhe ndër çiftet që edhe shumë vite pas ndarjes, fansat e tyre do të dëshironin tejmase që të riktheheshin bashkë. Është e pamundur të mos shikosh kiminë që dy këngëtarët kanë me njëri-tjetrin dhe këtë gjë kanë ditur ta shfrytëzojnë shumë mirë edhe profesionalisht, në bashkëpunimet e tyre. Së fundmi Dafina e cila prej kohësh është zhvendosur në Amerikë, ka postuar një foto të shkëputur nga klipi i saj me Ledrin.
Në foto shihet Dafina e cila përqafon Ledrin, duke e shoqëruar me shkrimin: “Më ka marrë malli për ato flokë.” Faktikisht Dafina mund të ketë shumë foto të tjera me look-un e vjetër, apo qoftë edhe të shkëputë pjesë të tjera nga klipi ku mund të jetë vetë, por fakti që ka zgjedhur të postojë pikërisht atë moment, i ka bërë të gjithë të mendojnë se Daffin e ka marrë malli realisht për ish të dashurin e saj Ledrin dhe jo për look-un e vjetër.
