Teksa dasma mbretërore po afron, të gjithë janë 100% të vëmendshëm ndaj takimeve të fundit të Meghan Markle dhe Princit Harry si të fejuar. Aktorja e njohur vazhdon me të njëjtin ritëm takimet zyrtare. Së fundmi ajo është shfaqur në një mbrëmje të organizuar nga sekretari i Jashtëm, Boris Johnson.
E fejuara e princit Harry kishte zgjedhur një fustan të zi, të markës Black Halo. Ky fustan klasik është një prerje që i shkon shumë Meghan, e cila kishte veshur edhe një palë këpucë me majë ngjyrë të zezë të markës Guçi. Gjithsesi, ky fustan serioz, me një rrip në mes, është veshur më parë edhe nga vajza të tjera të famshme.
Ndoshta në ngjyra të tjera, por i njëjti model është veshur nga Kim Kardashian, Blake Lively, Tyra Banks, Katherine Heigl dhe Scarlett Johansson.
