Aktorja e njohur së fundmi ka marrë një surprizë shumë domethënëse nga fansat e saj latinë. Ata kanë arritur të krijojnë një fond, prej 12 mijë dollarësh. Donacionet kanë ardhur të gjitha prej fansave të aktores nga Argjentina, Brazili, Kili dhe Uruguai. Kjo ishte dhurata që fansat vendosën t’i bëjnë aktores për ditëlindjen e saj.
Donacionet, i janë dhuruar spitalit të fëmijëve në Uruguai, për të ndihmuar në kërkimet rreth kancerit. Vetë aktorja më herët është shprehur se nuk donte asnjë dhuratë për ditëlindje, por donte që secili prej të afërmve, miqve apo fansave të saj, të bënin diçka të mirë për të tjerët. Kështu që kërkesa e saj, u plotësua në mënyrën më të bukur nga ky grup fansash.
