Aktorja e njohur është ende duke promovuar filmin e saj të fundit “A simple favor”, i cili doli zyrtarisht disa javë më parë. Ajo ka mbajtur të veshur për muaj me radhë kostume të ndryshme, për të identifikuar dhe rolin e saj. Por, së fundmi, reklama e saj për filmin, nëpërmjet një fotoje në instagram, i ka befasuar të gjithë.
Pavarësisht se postimi ishte tepër provokues, ku Blake shfaqej me një mashkull nudo në banak, komenti i bashkëshortit të saj Ryan Reynolds tërhoqi akoma më tepër vëmendje se vetë fotoja. “Duket goxha simpatik,” ka shkruajtur ai. Kjo nuk është hera e parë që dyshja e aktorëve bëjnë komente të tilla plot humor nëpër rrjete sociale, duke ritreguar se e mbështesin dhe e mirëkuptojnë njëri-tjetrin gjithmonë.
