Kanye ka lançuar prej kohësh koleksionin e tij të rrobave “Yeezy” dhe kjo ka rezultuar mjaft e suksesshme për të. Reperi ka fituar shuma të majme nga koleksionet e prezantuara, por aktori Shia LaBeouf ka ngritur pikpyetje rreth origjinalitetit të kësaj linje.
Sipas Shia, Kanye ka përdorur të gjitha rrobat dhe stilin e aktorit për këtë linjë, vjedhurazi. “Kanye ka shumë gjëra që nuk i përkasin. Vetëm në sfilatën e fundit, kishte plot veshje që i kishte marrë nga unë, veshje të cilat i kam përdorur nëpër festa të miat shumë kohë përpara se ai të lançonte këtë linjë. Ai thjesht u treguar i mirë me mamanë time gjatë një prej koncerteve të tij dhe e shfrytëzoi si mundësi për të vjedhur ide nga rrobat e mia,” ka thënë aktori.
