Adelina Tahiri nuk i ka shpëtuar vëmendjes së medias që prej kohës kur u bë publike lidhja e saj me biznesmenin Serjoza Markov. Prej disa muajsh ajo po përjeton ndjesitë më të bukura të pritjes së ëmbël dhe partneri i saj nuk nguron ta llastojë. Shumë shpesh këngëtarja e njohur ka publikuar dhuratat që ka marrë prej tij, por kjo e fundit është me siguri më e veçanta dhe ajo që i pëlqen më shumë.
Me anë të një fotoje në ‘InstaStory’, Adelina na prezanton me këtë dhuratë, ndërsa krahas saj shkruan: “Vogëlushja ime e re. Në dashuri me të”. Makina duket se është tepër luksoze. Kujtojmë që për ditëlindjen e saj, Adelina u surprizua sërish me një makinë e cila ishte po ashtu tepër e shtrenjtë.
