Apple ende nuk e ka prezantuar iPhone 7, por me sa duket kompania amerikane se po e projekton modelin e ri dhe pasardhës të iPhone 7S, i cili pritet të dalë në treg në vitin 2017.Sipas burimeve të besueshme të “AppleInsider”, Apple po planifikon të prezantojë një super-model të iPhone më 2017, i cili do të vijë me ekran të lakuar AMOLED me madhësi 5.8-inç.Pritet që dizajni i ri i iPhone do të jetë i ngjashëm me iPhone 4/4S me panele të lakuara përpara dhe në pjesën e pasme.Gjenerata e ardhshme e iPhone pritet të ketë teknologjinë për mbushje të baterisë pa tela, si dhe teknologjinë e re për njohje biometrike si skaneri i fytyrës dhe i syve.Javën e kaluar Apple lancoi iPhone SE me ekran 4-inç, që ka trup të njëjtë me iPhone 5, por me specifika të iPhone 6S.
