Postimet në rrjetin social Twitter shpesh janë cilësuar të padëshmëm për njerëzit, por jo në rastin kur ti je themelues. Pasi u hapën fjalë se kompania e prodhimit të makinave elektrike, “Tesla”, do të bashkëpunonte me “Samsung SDI” për prodhimin e baterive të reja, themeluesi Elon Musk sqaroi me një postim në Twitter se do të bashkëpunonin me “Panasonic”, por jo me “Samsung SDI”.
Aksionerët që kishin investuar tek “Samsung SDI” u tërhoqën menjëherë dhe vlera e kompanisë ra në mënyrë të tmerrshme në bursë, duke humbur 580 milionë dollarë brenda 24 orësh. Ndërsa “Panasonic” u rrit me 800 milionë dollarë gjatë të njëjtës kohë.
Themeluesi i “Tesla-s” u përpoq ta zbusë dëmin me një postim tjetër duke thënë që do të bashkëpunonte me “Samsung” për pajisje të tjera shtëpiake, por investuesit duken të bindur që e ardhmja është tek makinat elektrike.
Musk pritet të hapë së shpejti fabrikën “Gigafactory” (foto 2) e cila do të prodhojë bateri për modelin “Tesla 3”. Kjo fabrikë jo vetëm që do të funksionojë me energji të rinovueshme, por edhe pjesët e “Tesla-s” do të jenë të riciklueshme. /albeu.com/
