E imagjinoni dot jetën pa internet? Thjesht mbyllni sytë për një moment dhe mendoni se si ishte jeta para shpikjes të tij. Nësë je fëmijë i internetit, është thjesht e pamundur.
Të rrinjtë ose konsumatorët kryesorë të internetit nuk do mundeshin të përjetojnin asnjë ditë nga jeta e tyre pa pajisje elektronike. Ekzistojnë akoma zona pa shtrirje interneti, por për ne që jetojmë në shtete të zhvilluara është shumë e vështirë ta imagjinojmë jetën pa Google, Amazon, Apple apo Facebook.
Interneti është akoma diҫka e re, këtë vit bën 32 vjet që nga krijimi i tij. Megjithatë përdorimi i tij ka lënë pasoja afatgjatë në konceptin tonë për jetën. Ҫdo gjë filloi me një tel të lidhur në telefon dhe tani ne mund të mbajmë të gjithë botën në duart tona.
Sipas statistikave mbi 1 miliard ëebsite janë online, mbi 15 miliard artikuj janë shitur onlinë në Amazon që në fillim të 2021 dhe mbi 50 milion informacione ndahen cdo ditë në internet.
Interneti ka prekur dhe ndryshuar shumë aspekte të jetës tonë. Ja 10 mënyra kryesore sesi internet ka ndryshuar jetën tonë.
- Kërkimi
Ku shkojmë ne kur kërkojmë informacione mbi një produkt ose një përgjigje për një pyetje që po na mundon? Sigurisht që në Google. Interneti është kthyer në burimin kryesor të informacionit dhe mjetet e kërkimit në derën krysore për të hyrë në botën e madhe të informacionit.
Fale aparateve celularë ne mund të mbajmë gjithë njohuritë e botës në xhep. Këshilla, dieta, informacione teknike, shkrime… ҫdo gjë është lehtësisht e gjetshme në internet.
- Komunikimi
Kush i mban mend letrat dhe telefonin fiks? Interneti ka ndryshuar rrënjësisht mënyrën sesi ne komunikojmë me botën. Në fillim erdhen chat roomet dhe forumet dhe më vonë sidomos pas krijimit të smatphonit, rrjetet sociale dhe komunitetet online. Komunikimi i drejtpërdrejtë vazhdon të jetë shumë i rëndësishëm, por që me krijimin e internetit njerëzit kanë filluar të besojnë sa vjen edhe më shumë në një grup të panjohurish për të marrë vendime.
- Shopping
Suksesi I Amazon, eBay apo edhe platformave të tjera online me qëllim shitjen tregon që nuk është më e nevojshme të vizitohen pikat fizike të dyqaneve kur duam të blemë diҫka. Sidomos për artikuj specifikë blerja duket si një udhetim. Mund të shikosh diҫka në një dyqan, të kërkosh informacion online, të krahasosh ҫmimin, ta paguash online dhe ta tërheqësh në dyqan. Kjo shpesh herë na kursen shumë kohe dhe mundim.
- Udhetimi
Më parë esenca e udhetimeve ishte zbulimi. Por a është më tani? Sot në dimë ҫdo gjë për vendin që do vizitojmë edhe para se të dalim nga shtëpia. Dhe planifikimi i udhëtimit nuk ka qënë asnjë herë kaq I thjeshtë dhe i lirë. Mund të gjejmë ҫdo informacion, oferta dhe ulje vetëm me një klikim. Edhe kur jemi me pushime, teknologjia është gjithmonë me ne. Airbnb për hotele të lira, Google Maps për të gjetur rrugën, Trip Advisors për restorantet më të mira.
- Argëtimi
Ju kujtohet kur shkonim me entuziazëm në një dyqan videokasetash për të blerë ose marrë me qera një film duke shpresuar se do të isjhte ende në raftet e videotekës? Kjo ishte në të shkuarën. Me përdorimin e internetit, ne kemi ҫdo gjë që duam. Nuk ka nevojë të jetë në formë fizike, mund ta përdorin më formën vizuale. Sidomos pas integrimit të internetit në televizor (Smart Tv) dhe gjeneratës të re të viedo lojrave, e vetmja gjë e nevojshme është lidhja me një linjë të mirë interneti dhe jemi gati të përjetojmë argëtim pa masë.
- Shërbimet financiare
Më parë njerëzit kanë qënë të detyruar të shkonin pranë bankave për të kryer transaksione të rëndësishme. Kjo është para se të krijohej Online Banking. Teknologjia ka bërë që procedurat klasike të pagesave të bëhën gjithmonë edhe më të thjeshta dhe njëkohësisht të sigurta. Falë internetit nuk ka më nevojë të mbani me vete shuma të mëdha parash apo te prisni rradhë të gjata në dyert e bankave vetëm për të bërë një pagesë.
- Marrëdhëniet
Nuk ka më nevojë ta njohësh dikë që ta duash. Tani mund te bësh shokë të rrinj ose të gjesh dashurinë e jetës vetëm duke shkarkuar një aplikacion dhe duke plotësuar disa të dhëna. Për lidhje romantike apo biznesi, ka gjithmonë vend për ty online. Ky evolucion gjigand ka ndryshuar edhe menyrën e të bërit biznes. Njerëzit tani bazohen në eksperiencën e dikujt tjetër para se të blenë një produkt ose shërbim.
- Shëndetësia
Në periudhën e internetit, të gjithë jemi doktorë. Edhe pse jo gjithmonë duhet të besojmë atyre që lexojmë online për të shpjeguar një simptomë, është e pamohueshme menyra sesi interneti ka ndikuar në shëndetësi. Nga njëra anë mbajmë riskun e një informacioni të gabuar, por nga ana tjetër informacionet e panumërta që marrim në internet na ndihmojnë të përmirësojmë cilësinë e jetës. Mjaton të kërkojmë në Google simptomat kryesore dhe na shafqet një listë e gjatë me diagnoza dhe ilaҫe. Kujdes, duhet gjithmonë të zgjedhim burimin e duhur të informacionit dhe të konsultohemi me mjekun.
- Marketing
Ndryshimi i mënyrave të komunikimit ka ndryshuar edhe teknikat e marketingut si pasojë. Në ditët e sotme teknikat tradicionale të marketingut nuk japin gjithmonë rezultat. Arsyeja është e thjeshtë, klienti ka ndryshuar, mënyra e tij e blerjes ka ndryshuar. Edhe kur janë në dyqan klientët shkojnë onlinë për të krahasuar produktet. Prandaj sa vjen e më shumë po përdoren teknika të marketingut dixhital tepër efektive për ecurinë e biznesit.
- Punësimi
Vërtet na duhet të qëndrojmë 8 orë në ditë në zyrë për të qënë produktivë? Para 20 vitesh kjo pyetje nuk do kishte kuptim, sigurisht që do duhet të qëndronim. Sot ҫdo gjë është ndryshe, ҫdo gjë lidhet me internetin. Evolucioni qe ka sjellë interneti e ka bërë të panevojshme qëndrimin për orë të tëra në një zyrë. Ne jetojmë dhe punojmë në një rrjet të gjerë i cili sa vjen e më shumë po thyen barrierat e ngurta të punësimit duke e bërë situatën gjithmonë edhe më të thjeshtë dhe fleksibël.
