“Familja Kuqezi” është sitcomi më i ndjekur i momentit. Më një kast aktorësh të përzgjedhur, në mbi 20 episode të transmetuara, kuqezët e kanë arritur më së miri misionin e tyre: të sjellin një humor të pastër dhe të angazhuar, mbështetur tek karakteret, situate, batuta dhe reagime.
Tashmë, Albert dhe Bela Kuqezi nuk janë emra të panjohur, e jo më pak dy fëmijët e tyre Dora dhe Fatjoni. Sigurisht, pa harruar edhe Edin që është gjithmonë me ta.
Këtë herë, në episodin e ardhshëm, ata do të nisen me pushime, ku nuk do të mungojnë as situatat gazmore.
Për herë të parë, në këtë seri do të shohim këngëtarin e mirënjohur Renis Gjoka të interpretojë si një aktor i vërtetë. Ai vjen në rolin e pronarit të shtëpisë së pushimit, problemet e të cilit do të nisin sapo të mbërrijnë Kuqezët. Mos humbisni episodet e radhës, vetëm në ekranin e Tring, çdo të shtunë, ora 19:00 në Jolly HD, çdo të hënë, ora 21:30 në Smile dhe çdo të martë, ora 16:00 në Tring Shqip!
