Nesër vendi ynë do të ndikohet nga kushte të paqëndrueshme atmosferike.
Moti do të jetë me vranësira mesatare deri të dendura në të gjithë territorin por nuk do të mungojnë intervalet me diell.
Parashikohen reshje shiu të dobëta dhe të herëpashershme në pjesën më të madhe të vendit ndërsa në orët e mbrëmjes në zonën e veriut, do të ketë reshjet me intensitet deri mesatar në formën e shtrëngatave.
Era parashikohet të fryjë me drejtim kryesor nga kuadrati i jugut me shpejtësi mesatare 1-4m/sek, e cila hera-herës përgjatë vijës bregdetare fiton shpejtësi deri në 10-12m/sek. Deti i forcë 0-1 ballë.
