Moti parashikohet me vranësira mesatare dhe të dendura. Do të ketë reshje shiu të cilat do të jenë prezente që në orët e para të 24 orëshit me intensitet të ulët.
Në orët e mesditës reshjet e shiut do kenë intensitet deri mesatar në pjesën më të madhe të vendit me përjashtim të Juglindjes ku reshjet do të mbeten me intensitet të ulët.
Era do të fryjë nga kuadrati i Jugut me shpejtësi mesatare deri në 7 m/sek, përgjatë vijës bregdetare erë me rrahje dhe intensive deri në 15-20 m/sek. Valëzimi në dete parashikohet i forcës 4-5 ballë.
