Fundjava e parafundit e qershorit, vjen me temperature të larta, por normale për këtë periudhë. Vlera mesatare e temperaturës maksimale kap shifrën 38 gradë duke u shoqëruar me një mot të kthejllët thuajse në të gjithë territorin e vendit tonë.
E diela, vijon me kthjellime deri pasdite kur vranësira lokale zhvillohen në Veri dhe zonat Lindore duke sjellë rrebeshe të shkurtra shiu dhe stuhi të izoluara breshëri por mbeten kryesisht të kthjellëta zonat Perëndimore.
Nga e hëna dhe në vijim deri të premten do të ketë kthjellime e vranësira kalimtare gjatë paraditeve dhe mbrëmjeve por vranësirat zhvillohen gjatë pasditeve duke sjellë edhe rrebeshe shiu në zonat malore; në zonat Perëndimore pritet shi, vetëm në zona të izoluara.
