Përbërësit për 12 pancake:
-10 g sodë për ëmbëlsira
-180 g miell
-1 lugë sheqer
-1 kokërr vezë
-250 ml qumësht
-100 g boronica të ngrira ose fruta të ngrira që mund të keni
-15 g gjalpë i tretur i vakët një majë luge kripë
Përgatitja:
1-Në një tas përziejmë vezën me qumështin, me rrahësen e vezëve me dorë.
2- Në një tas tjetër përziejmë me lugë druri miellin, sodën që e hedhim me sitë, sheqerin dhe kripën. Shtojmë vezën me qumështin dhe gjalpin, dhe i përziejmë të gjitha me rrahësen e vezëve me dorë. Më pas, e lëmë brumin të pushojë një orë në frigorifer.
3- Pas kësaj kohe marrim brumin, shtojmë boronicat dhe i përziejmë me lugë druri.
4-Vëmë në zjarr një tigan të sheshtë që nuk ngjit, të lyer me pak gjalpë dhe hedhim me garuzhde pak nga brumi. Kur të krijojnë flluska, i kthejmë të piqen në anën tjetër. I shërbejmë të ngrohta, me reçel boronice, shurup panje, mjaltë ose sipas dëshirës.
Koha e përgatitjes:
5 min
Koha e qëndrimit të brumit në frigorifer:
60 min
Koha e skuqjes:
10 min
