Jemi në prag festash dhe duhet të sigurohemi që t’i mirëpresim ashtu si u ka hije ! Nëse bredhin ende nuk e keni stolisur, kjo nuk do të thotë që nuk duhet të filloni me dekorin e shtëpisë. Diku mund të ndizni disa qirinj, mund të varni çorapet tradicionale të Krishtlindjes të mbushura me ëmbëlsira për vogëlushët tuaj, ose mund të krijoni një kurorë për ta varur në derë. Kjo është mirëpritja më e ngrohtë që mund t’u bëni të dashurve tuaj dhe sigurisht stinës më të ftohtë e të bukur njëkohësisht.
