A do të hanit një picë të shijshme e të nxehtë, edhe pse e dini se është e keqe për shëndetin tuaj? Padyshim që po.
Mirëpo, ndoshta do të mendoheshit dy herë nëse do ta dinit se sa ushtrime duhet të bëni për t’i djegur kaloritë e një pice.
Thënë më thjeshtë, 5.6 kilometra apo 43 minuta vrapim, transmeton Telegrafi.
Sipas një artikulli të publikuar në BMJ, thuhet se mënyra më e mirë për t’i ndihmuar njerëzit me mbipeshë, është të dinë se sa kalori duhet të djegin për ushqimin që e hanë.
P.sh., nëse merrni një meny të picës, anash saj do të keni edhe një figurë të vrapimit apo çiklizmit, që tregon se sa minuta duhet të ushtroni për t’i hequr kaloritë e atij ushqimi. /Telegrafi/
