Vera sa s’ka ardhur. Ja cilat ushqime të shëndetshme verore mund t’i shtoni në menunë tuaj
1.Misri
A e keni ditur se dy antioksidues që gjenden në misrin e freskët – luteina dhe zeaksantina — ndikojnë në formimin e pigmenteve në lëkurë, duke e mbrojtur atë nga rrezet e dëmshme të diellit? Të njëjtit antioksidues mund t’ju mbrojnë nga sëmundja e syve, që paraqitet në pleqëri, e që quhet degjenerim makular. Kjo sëmundje është shkaktari kryesor i verbërisë tek te moshuarit mbi60 vjet.
2. Kafja e ftohtë, me akull
Një kafe e këtillë është mënyrë e përkryer për ta filluar ditën gjatë verës. Është parë se një filxhan kafe në ditë, na mbron nga kanceri i lëkurës. Një studim ka treguar se, ato gra që pinë një filxhan kafe në ditë, e zvogëlojnë rrezikun nga kanceri i lëkurës me 10%. Kafja e dekafeinuar nuk është parë të ketë efekt të njëjtë.
3. Qershitë e tharta
Mund të keni dëgjuar se konsumimi i lëngut të qershive të tharta ndihmon që të flini më mirë por, a e dini se këto qershi mund t’ju ndihmojnë që të dobësoheni më shpejt? Kjo është parë edhe në studimet e bëra me minjtë. Antocianinet që gjenden tek qershitë e tharta aktivizojnë një molekulë e cila ndihmon në shkrirjen e dhjamit.
4. Domatet
Nuk ka fjalë se kremi me faktor mbrojtës është më se i domosdoshëm për mbrojtjen e lëkurës gjatë verës. Por, ngrënia e domateve mund t’ua ofrojë një ndihmë shtesë. Likopeni, substanca e cila i bën domatet e kuqe, e mbron lëkurën nga rrezet e diellit. Por, suplementet e likopenit nuk është parë të kenë të njëjtin efekt.
5. Shalqiri
Duke qenë të hidratuar, do ta keni një memorie të mirë dhe një disponim stabil. Hidratimi po ashtu ndihmon organizmin që të ftohet gjatë temperaturave të larta (me anë të djersitjes). Lajmi i mirë është se nuk duhet të pini vetëm ujë. Ju mundeni edhe ta hani atë: bostani përmban deri në 92 ujë. Studimet tregojnë se konsumimi i ushqimeve të pasura me ujë, na bën që të ndihemi të ngopur, duke konsumuar më pak kalori.
6. Çaji me akull
Studimet tregojnë se konsumimi i rregullt i çajit na mbron nga sëmundja e alzheimerit dhe diabetit, si edhe bën që të kemi dhëmbë dhe mish të dhëmbëve më të shëndoshë. Pse? Çaji është i pasur me antioksiduesit që quhen flavonoide. Shtimi i limonit, apo lime, ndihmon në ruajtjen e flavonoideve në çaj.
