Kate Middleton është padyshim një nga gratë më të ndjekura në botë. Me kamerat e drejtuara nga ajo gati 24 orë në 24, presioni është i madh, por le t’u hedhim një sy disa nga sekretet e Kate-t lidhur me mënyrën e të ushqyerit:
Dieta e Kate Middleton
Siç është protokolli mbretëror, Kate Middleton nuk ndan shumë detaje në lidhje me jetën e saj personale, duke përfshirë tema si dieta dhe stërvitja. Sidoqoftë, ne kemi një pasqyrë të mirë për atë që ajo ha dhe bën për të qëndruar në formë, falë intervistave dhe burimeve pranë familjes mbretërore.
Çfarë ha Kate Middleton?
Sipas disa burimeve, Kate ha shumë shëndetshëm dhe trupi saj e tregon mjaft mirë. Dieta e dukeshës së Cambridge përbëhet nga shumë ushqime të shëndetshme si frutat dhe perimet. Ajo merr edhe më shumë lëndë ushqyese dhe antioksidantë përmes smoothie energjike të përditshme me përbërës si spinaqi, lakra jeshile, marule, matcha dhe boronicat.
Kate-t gjithashtu i pëlqejnë ushqimet e papërpunuara të tilla si sallatat pasi janë shumë të mira dhe për lëkurën e saj dhe humbjen në peshë gjithashtu. Për darkat familjare, Kate Middleton pëlqen të gatuajë pjata të bollshme. Recetat e saj të preferuara përfshijnë kerri, supë dhe pulën e pjekur që i pëlqen shumë dhe princit William.
Kate gjithashtu pretendohet se ka provuar dietën Dukan gjatë kohës që përgatitej për dasmën e saj. Kjo qasje me proteina të larta, me karbohidrate të ulëta ndaj ushqimit supozohet se është mjaft efektive për të hequr kilogramët dhe për të arritur një trup elegant.
