Dëshironi t’i shmangeni një vere tradicionale të plazhit? Zbuloni shtatë destinacionet më të çmendura që do t’ju bëjnë zemrën të rrahë fort, por edhe do t’ju ofrojnë mundësinë të eksploroni vende të reja
Nuk ka asgjë më të mirë sesa ta kaloni jetën tuaj me pak adrenalinë dhe ta shijoni atë maksimalisht.
Gara me makinë!
Nëse ju pëlqen shpejtësia dhe jeni në ndjekje të vazhdueshme të saj, atëherë provoni të kaloni një ditë në një makinë si të Formula 1 dhe të mësoni se si të nxisni makina si Porsche, Ferrari dhe BMW deri në vijën e finishit.
Sigurisht, nëse jeni të pasionuar dhe zotëroni një makinë shpejtësie të aftë për gara mund të provoni eksperiencën e shkretëtirës që ju lejon të ecni deri në 200 metra në orë në shkretëtirë.
Distanca ekstreme në rrethana ekstreme
Asgjë nuk e përkufizon fjalën ekstreme më mirë sesa pesë maratona e gjysmë në një shkretëtirë të nxehtë dhe që zgjat si eksperiencë gjashtë ditë. Maratona Des Stables e Marokut është një nga këto gara. Ajo kërkon konkurrentë të stërvitur çdo vit, të cilët bëhen pre e rastësive të nxehtësisë së Saharasë.
Për ata që nuk janë shumë të dhënë pas aspekteve të jetës dhe vdekjes në gara, ekziston gjithnjë gara Sopelana Naturist në Spanjë.
Peshkaqenë, dema dhe krokodilë
Ata që duan të shkojnë në ekstrem me kafshët mund të provojnë të ngasin për tetë sekonda një dem, një aktivitet shumë entuziazmues, por vrapi mund t’jua rrisë adrenalinën edhe më shumë. Nëse dëshironi mund të merrni pjesë në maratonën e përvitshme në Pamplona të Spanjës nga data 5 deri më 14 korrik.
Por, nëse doni të shkoni edhe më larg se demi, atëherë kaloni te peshkaqenët. Ju mund ta kënaqni oreksin tuaj për kafshë të mëdha me peshkaqenët duke u zhytur në një kafaz me ta në oqean të hapur.
Por një krokodil i gjatë në Kafazin e Vdekjes në Australi mund të jetë aktiviteti i duhur për ju gjithashtu. E gjitha kjo nëse mund të duroni për 15 minuta të zhytur pranë krokodilit.
Insekte, gjak, helm
Ndoshta përvoja me kafshë të gjalla nuk është e duhura për ju. Mund të doni që ato të mos jenë të gjalla dhe pse jo të jenë në një pjatë vënë përpara jush. Insektet japoneze mund të jenë një vakt që mund ta konsumoni këtë verë. Nëse jeni në Azi mos hezitoni të provoni artin e gatimit me insektet dhe shpendët nga më të çuditshmet, mund të jetë diçka që do ta përjetoni veç një herë në jetë.
Por nëse nuk doni të shkoni aq larg, gjeni dikë që di të përgatisë peshkun shumë të rrezikshëm Fugu. Ju mund ta konsumoni atë nga një shitës i licencuar për këtë gjë dhe nëse mbijetoni, atëherë mund ta ndani eksperiencën tuaj me të tjerët.
Nëse nuk doni ushqim, atëherë provoni Ujin e Djallit, një nga tekilat më pikante në botë dhe që do t’ju bëjë të qajë pafund.
Ngjitje në mal
Çfarë është ekstremi i ngjitjes së një mali? Të ngjisësh pesë herë radhazi. Majat e malit Huashan në provincën Shaanxi të Kinës do t’ju ‘mbërthejnë për fyti’ pasi do t’jua marrin plotësisht frymën nga lodhja, por edhe nga bukuria e peizazhit.
Nëse prisni të shihni në listë Everestin, duhet të dini se ngjitja e njëpasnjëshme e maleve mund të jetë shumë e vështirë dhe që mund të sfidojë trupin tuaj në shumë nivele.
Fluturimi
Nëse po kërkoni të luftoni me gravitetin, çfarë ka më mirë se të provoni aktivitetin më të preferuar të Nikaraguas, fluturimin mbi vullkan. Ju mund të kaloni nga Cerro Negro, një vullkan aktiv në Nikaragua përmes fluturimit të lirë me vela dhe do të kuptoni se po e çoni shumë larg sfidën e jetës suaj.
Ju mund të rrëshqisni gjithashtu nga një kullë e lartë në Toronto dhe të çoni në limite trupin tuaj me anë të një ndërtese 116 kate duke u hedhur drejt e në rrugë. Provoni gjithashtu hedhjet nga ndërtesat në Las Vegas ku mund të shijoni edhe dritat e hoteleve ndërsa bini.
Zhytje në oqean
Nuk ka asgjë të keqe të merrni diell në një pishinë, por si thoni sikur të zhyteni në një tunel të errët shumë metra nën oqean? Vrima Blu është tuneli më i thellë në botë nën ujë. Zhytja pa pajisje në këtë tunel ishte rekordi botëror i 100 metrave nga Uilliam Trubridge në vitin 2011.
