Bota është plot me mrekulli dhe vende të çuditshme për të cilat mund të mos keni dëgjuar ndonjëherë. Në këtë artikull, ju kemi sjellë vendet më të çuditshme nga e gjithë bota.
Salar De Uyuni
Ky është vendi më i madh në botë ku mund të gjendet kripa. Ai ndodhet në jugperëndim të Bolivisë. Salar De Uyuni u formua si rezultat i transformimeve mes disa liqeneve parahistorike.
Badab-e Surt
Badab-e Surt ndodhet në pjesën veriore të Iranit. Ai përbëhet nga një masë tokësore në formën e shkallëve. Ato janë krijuar nga rrjedhja mbi 100 vite e dy burime të ujërave, të cilat kanë depozituar mineralet e karbonit në pjesën e malit ku kanë rrjedhur.
Shpellat Waitomo
Shpellat Waitomo, të cilat ndodhen në Zelandën e Re, janë të ndriçuara në mënyrë natyrale. Një ndriçim i krijuar nga qindra krimba të vegjël që shkëlqejnë. Ata qëndrojnë të varur në tavanet e shpellave dhe prodhojnë një dritë mahnitëse blu.
Plazhi i fshehur në ishullin Marieta
Ky plazh i fshehur, është formuar si rezultat i aktivitetit vullkanik. Ka një mbulesë natyrale, ujë të pastër si kristali si dhe rërë të pastër e të bardhë.
Vizatimet e Nazca
Këto vizatime të mrekullueshme në shkretëtirë, ndodhen në Peru. Ato formojnë figura gjeometrike të çuditshme. Aty mund të gjesh dhe vizatime në formën e zogjve dhe kafshëve, të cilat mund të shihen vetëm nga qielli.
