Çfarë bën në jetë? “YouTuber” përgjigjet Boram, 6 vjeç, nga Seuli, që në fillim të 2019 ka blerë një ndërtesë me vlerë 8 milionë dollarë në lagjen ekskluzive të Gangnamit, në kryeqytetin koreano-jugor.
Boram në dy kanalet e saj në Youtube, ka më shumë se 31 milionë ndjekës dhe për të menaxhuar suksesin e saj të jashtëzakonshëm online, nga prindërit e saj, është ngarkuar një shoqëri, kompania e familjes Boram, përmes së cilës është blerë edhe kjo ndertesë.
6 vjeçarja ka dy kanale në YouTube; një të hapur në 2016 me 13.6 milionë të regjistruar, në të cilin i dedikohet lojërave, dhe një tjetër me 17.6 milionë persona të regjistruar, në të cilin ndan video blogje për fansat e saj të vegjël. Në një nga videot e saj më popullore, me mbi 376 milionë shikime, Boram bën makarona me një kuzhinë lodër dhe më pas i ha me entuziazëm.
Në këtë mënyrë edhe pse në moshë të vogël ajo mund t’i lejojë vetes investime në prona të paluajtshme që edhe gurutë e hapësirës kibernetike mund t’i shohin vetëm në ëndrra. Dhe të mendosh, që mes më të vegjëlve, nuk është as Youtube-rja më e pasur…
