Për disa vite me radhë vajzat paraqiteshin te doktorët plastikë me foto të personazheve të famshëm me vete, si një guidë për të treguar çfarë dëshironin në pamjen e tyre. Vitet e fundit kanë qenë motrat Kardashian më të preferuarat nga vajzat, të cilat dëshironin t`iu ngjanin. Por, me sa duket, ky trend ka ndryshuar, pasi vajzat kanë një kërkesë të pazakontë për doktorët plastikë.
Ato paraqiten me një foto të tyre të realizuara me filtër Snapchat-i dhe kërkojnë që fytyra e tyre të duket ashtu. Praktikisht ato kërkojnë hundë më të drejtë, lëkurë më të pastër, buzë të trasha dhe nofulla më të ngushta. Doktori plastik, Tijion Esho, e quajti këtë gjë dismorfia e Snapchat-it, pasi vuri re që një numër i madh vajzash, të moshës 18-25, po i drejtoheshin kinikës së tij me këtë kërkesë. Ai ka treguar se nuk iua ka përmbushur këtë kërkesë pacienteve të tij, pasi imazhet të cilave ato kërkojnë që t`iu ngjajnë, nuk janë reale.
