Mëngjesin e sotëm mund të keni kërkuar një xhaketë, pasi rrezet e diellit nuk ju kanë ngrohur si zakonisht ! Më në fund duket se vjeshta ka mbërritur, pasi prej ditës së nesërme sinoptikanët parashikojnë një rënie të ndjeshme të temperaturave me disa gradë.
Temperaturat janë ulur në mënyrë të theksuar gjatë mbrëmjes së djeshme dhe në ditët në vijim temperature maksimale nuk do e kalojë vlerën termike 30 gradë.
‘Nga dita e martë e deri të premten parashikohet një mot i ftohtë dhe i kthjellët. Temperaturat do të kenë një rënie prej 4-5 gradësh mbrëmjen e së hënës. Në veri do të ketë një rënie më të theksuar temperaturash, nga 8-10 gradë, Nuk do të ketë më temperatura mbi 30 gradë celcius’– shprehen meterologët.
