Është diskutuar prej kohësh nëse prindërit mund të tregojnë në të vërtetë preferencë ndaj fëmijëve të tyre.Ata që pretendojnë të kenë “sindromën e fëmijës së mesme”, një dukuri shumë e vërtetë, që nënkupton se fëmija i mesëm ndihet i lënë pas dore në krahasim me vëllezërit e motrat e tyre, do të pajtohen me idenë se nuk është aspak e vështirë për prindërit të tregojnë paragjykime.
Tani, duket se dyshimet e tyre janë konfirmuar, pasi një sondazh ka zbuluar se prindërit priren të favorizojnë fëmijën e tyre më të vogël.“Mumsnet” i bëri një studim 1,185 përdoruesve të tij që janë prindër, ndërsa “Gransnet” bëri një studim me 1,111 përdoruesit e tij që kishin të paktën një nip/mbesë. U zbulua se pothuajse një e katërta e përdoruesve të “Mumsnet” pranuan të kishin një fëmijë të preferuar, ndërsa 42% e përdoruesve të “Gransnet” rrëfenin se kishin preferencë për një nga nipërit e mbesat e tyre.Më shumë se gjysma e prindërve me një fëmijë të preferuar zbuluan se ishte fëmija i tyre më i vogël, ndërsa 61% thanë se ata i shohin vëllezërit dhe motrat e tyre më “të ndërlikuar apo kërkues”.
Nga ana tjetër, 26% e prindërve thanë se fëmija i tyre i preferuar ishte më i madhi.Nga prindërit, të cilët deklaronin se kishin një fëmijë të preferuar, 41% thanë se të preferuarit i kujtonin ata veten, ndërsa më shumë se gjysma e tyre thanë se fëmija i bënte ata të qeshin më shumë se fëmijët e tjerë.Gjithsesi shumica e prindërve besojnë se të kesh një fëmijë të preferuar është e tmerrshme dhe e gabuar.
