Bricjapi
Pas muajit mars, i cili është karakterizuar nga nervozizmi dhe lodhja, prilli do të jetë plot energji dhe jeta juaj do të ndryshojë. Pas disa javësh, Saturni dhe Marsi do të formojnë një aleancë të shkëlqyer, e cila do të sjellë të reja të mëdha në jetën tuaj dhe jo vetëm në aspektin profesional. Nëse jeni të rinj dhe jeni duke luftuar kundër të gjithëve me idetë tuaja, ka ardhur momenti që të tregoheni më këmbëngulës. Do të merrni një përgjigje pozitive pas datës 20. Ky është një horoskop i rëndësishëm për ata që po shtyjnë një çështje me rëndësi prej kohësh apo që kanë qenë përballë një dileme të madhe. Ambiciet tuaja janë të mëdha. Do të arrini një ngritje në detyrë brenda pak muajsh. Kush nga ju ka një aktivitet privat, do ta ketë më të lehtë të bëjë përpara. Do të jetë një periudhë krijuese për ata që merren me pikturë apo me muzikë. Projektet e reja janë të favorizuara gjatë gjithë muajit, por më premtueset do të jenë dhjetë ditët e fundit të muajit.
Projekte të mëdha për ata që janë dashuruar së fundmi. Vetëm ata që kanë kohë që janë lidhur dhe që kanë frikë nga dashuria nuk do t’i shijojnë këto yje të bukura. Urojmë që ky të mos jetë rasti juaj! Shumë nga ju mezi presin të bëhen me fëmijë dhe këtë gjë do t’ia kërkojnë partnerit/es. Lidhjet e krijuara këta tre muajt e fundit mund të bëhen të rëndësishme. Mund të takoni personin e duhur në mënyrë krejt të rastësishme. Do të njihni shumë njerëz të rinj. Ata që janë në kërkim të një shtëpie të re, do të gjejnë shumë shpejt të duhurën. Edhe aventurat kalimtare do të jenë shumë të bukura. Ky është një muaj i mbushur me energji dhe forca. Kurat e nisura tre muajt e fundit do të japin rezultatet e para. Si gjithmonë, problemi i zakonshëm për të lindurit e Bricjapit është cervikalja. Për shkak të punëve të shumta, nuk i keni kushtuar rëndësi aktivitetit fizik. Probleme me gjymtyrët për shkak të mungesës së lëvizjes. Shfrytëzoni periudhën e pranverës për t’u tonifikuar.
Ujori
Do të projektoni diçka të re, do të mendoni për ndryshime, por gjithmonë duke pasur parasysh gjysmën e dytë të vitit. Për të lindurit në shenjën e Ujorit, ky muaj do të shënojë një revolucion të madh. Kush nga ju ka disa kursime mënjanë, mund të hapë një aktivitet privat. Edhe artizanët janë shumë të favorizuar. Bëni kujdes, sepse Jupiteri po përpiqet t’ju thotë të tregoheni më dorështrënguar me shpenzimet dhe të mos jepni hua. Bëjini mirë llogaritë para se të bëni ndryshime të mëdha në jetën tuaj. Mërkuri vazhdon të kalojë transit në shenjën tuaj dhe do të ndikojë te ju deri në mes të majit. Ata që duan të ndryshojnë kolegët, mund të bëjnë zgjedhjet e tyre në datat 19, 23 dhe 24. Do të përballeni me një bllokim nëse keni probleme burokratike. Pas verës, gjërat do të shkojnë më mirë. Fusha e ndjenjave gjatë prillit do të jetë në një gjendje statike. Ju këshilloj të ndiqni gjithmonë instinktin tuaj. Nëse jeni të martuar apo të lidhur prej kohësh, do të shpërqendroheni nga dikush tjetër, por është e kotë t’ju këshilloj se dashuria është më e rëndësishme. Do ta keni të vështirë të bini dakord për një marrëveshje nëse po bashkëpunoni me partnerin apo me një pjesëtar të familjes suaj. Një nga ditët më të vështira do të jetë ajo e datës 2 dhe të gjitha të hënat e muajit prill. Lidhjet e krijuara këtë muaj nuk do t’ju çojnë askund. Edhe aventurat nuk janë të favorizuara. Marrëdhëniet tuaja këtë muaj do të shoqërohen nga debate për paratë, trashëgimitë, pronat. Edhe me familjarët do të diskutoni vetëm për çështje ekonomike. Bëni kujdes në datën 17, pasi tensionet do të rriten.
Fizikisht ndiheni mirë, vetëm se ndiheni të lodhur mendërisht nga zënkat në familje apo kur dikush ju përfshin në debate edhe kur ju nuk doni. Bëni kujdes në raportet tuaja me dikë më të madh në moshë që i përket shenjës së Bricjapit apo Akrepit. Pika juaj e dobët është stomaku. Të dielave rrethoheni nga njerëz që ju nervozojnë shumë. Përpiquni t’i shmangni ose të mendoni për diçka tjetër. Bëjini bisht realitetit. Nëse e dëshironi, mund t’ia dilni.
Peshqit
Për të lindurit në shenjën e Peshqve vazhdon vala e energjisë dhe entuziazmit. Shumë nga ju kanë ndaluar në vend këtë muaj, por për një arsye të fortë. Kanë punuar aq shumë në të shkuarën sa kanë lënë pas dore familjen. Kjo është arsyeja e vetme që disa nga ju s’do të marrin frytet e duhura në aspektin profesional, pasi dëshira për intimitet me partnerin është më e madhe. Propozime të reja për ju falë pozitivitetit që sjell muaji prill. Gjatë kësaj periudhe do të ndieni se idetë tuaja do të realizohen më kollaj. Ndiheni më të gjallë, ja pse do të ndërmerrni iniciativa të reja. Nëse jeni në kërkim të një pune, do të merrni shumë shpejt një telefonatë pozitive. Shfrytëzoni këtë periudhë të favorshme, mos prisni që të mirat t’ju bien nga qielli. Duhet të veproni. Shumë nga ju ëndërrojnë një shtëpi në det, por bëni kujdes përpara se ta blini ,se mos keni pagesa të pashlyera.
Takimet e reja janë të favorizuara rreth datës 17. Nëse nuk jeni duke përjetuar një dashuri të madhe, kjo do të thotë se keni qëndruar shumë të mbyllur në të shkuarën. Çlirojeni mendjen dhe mos mendoni gjithmonë më të keqen. Dashuria e vërtetë është ajo që të shqetëson më shumë. Pikërisht kështu e shikoni ju dashurinë. Rrezikoni të dashuroheni me persona që janë shumë të ndryshëm nga ju, ja pse shpesh ndiheni të lodhur nga marrëdhëniet tuaja. Venusi mbron dashurinë. Ky është një muaj i rëndësishëm për të harruar të kaluarën. Mos iu ktheni pas problemeve të vjetra, sidomos pas datës 24, kur do të nisë edhe një fazë shumë e tensionuar. Kujdesuni më shumë për problemet me karakter ligjor apo për trashëgimitë. Diskutoni me qetësi dhe të gjitha vendimet merrini pas datës 20 maj. Yjet ju favorizojnë shumë për të kaluar problemet e së shkuarës. Kujdesuni më shumë për veten, sidomos nëse vuani nga dhimbjet e shpeshta të kokës apo të gjymtyrëve. Këmbët janë pika juaj e dobët. Në datat 4, 5, 18 dhe 19 tregohuni më vigjilentë. Mos u mendoni dy herë për të nisur një kurë apo një terapi. Deri në tetor duhet të jeni në formë të mirë fizike për të shmangur çdo vështirësi në të ardhmen.
