Universiteti i Tiranës ka miratuar rregulloren që do të zbatohet që prej datës 2 nëntor, dita kur do të nis dhe viti i ri akedemik. Sipas rregulores në rast se një student rezulton me COVID19, e gjithë klasa do të vazhdojë mësimin online për 14 ditë.
Sipas rregullores, Universiteti i Tiranës ka vendosur që në 4 javët e para në Nëntorit, vitet e para do bëjnë mësim ne auditore, ndërkohë që për vitet më të larta do të ketë një alternim midis mësimit online dhe mësimit në auditore. Për zgjedhjen e mësimit do flitet me pedagogë të lëndës, dhe do të vendoset për mënyrën sesi ai do të kryhet.
Ndërkohë në vendimin që ka marrë Universitetit i Tiranës thuhet se administrata duhet të kujdeset që të gjithë studentët të jenë të pajisur me masat parandaluese për Covid-19.
