Ministri i Jashtëm i Kosovës, Hashim Thaçi, ka thënë se ka marrë kërcënime me vdekje nga udhëheqësi i grupit militant Shteti Islamik, (ISIS) për shkak të kundërshtimeve të tij ndaj kësaj organizate terroriste.
“Ka qenë kërcënim me vdekje kundër meje dhe familjes sime”, ka thënë Thaçi në një intervistë për agjencinë e lajmeve AFP.Sipas burimit të njëjtë, një ueb-faqe në Prishtinë, këtë javë, ka raportuar detajet e një letre në adresë të Thaçit në vitin 2014, i cili atëbotë ka qenë kryeministër.Letra mendohet se është nënshkruar nga udhëheqësi i Shtetit Islamik, Abu Bakr al-Baghdadi, i cili i bën thirrje Thaçit që të heqë dorë nga përafrimi me Perëndimin, në të kundërtën do të përballet me “hakmarrje të madhe”.
