Lëkundje të forta tërmeti kanë tronditur Tiranën dhe zonat përreth mesditën e së mërkurës.Epiqendra e tërmetit me magniturë 5.2 ballë, ishte në Shijak.
Lëkundjet u ndjenë ne orën 11.03 dhe zgjati për disa sekonda.Ende nuk dihen dëmet që ka shkaktuar tërmeti, ndërkohë që të gjithë banorët e Tiranës dhe zonave përreth kanë dalë jashtëndërtesave.
Lëkundjet e forta u ndjenë në Vlorë, Fier dhe Durrës.Ndërkohë Kryetari i Bashkisë Erion Veliaj i bën thirrje qytetarëve të evitojnë ndërtesat derisa të sqarohen të gjitha rrethanat nga autoritet.“Nëse jeni prekur nga tërmeti, ju lutem telefononi emergjencat 112 Kontaktoni të afërmit, sidomos të moshuarit per t’i ndihmuar!” – shkruan Veliaj në profilin e tij në “Instagram”.
