Mos shkoni në pishina publike
Shmangni pishinat publike me shumë njerëz dhe dhomat me dollape. Kudo ku shkoni, në plazh, pishinë, liqene a lumenjë ju duhet të mbani distancën tuaj nga njerëzit e tjerë kur notoni dhe të bëni çmos që të mos gëlltisni aksidentalisht ujin. Po ashtu, ju duhet të shmangni grumbullimet e më shumë se 10 personave dhe të vazhdoni t’i lani duart shpesh.
… Ose një shesh lojrash
Këndet e lojërave janë shumë të rrezikshme për disa arsye: është e vështirë t’i mbani ato të dezinfektuara dhe ato zakonisht janë të mbushura me fëmijë që lehtë mund të infektohen pasi prekin diçka të kontaminuar. Është e rëndësishme të ndiqni masat e përcaktuara dhe të gjeni mënyra më të sigurta për të luajtur.
Mos qëndroni në një vend gjithë ditën
Ulja në plazh në një vend për një periudhë të gjatë nuk është një ide e mirë, dhe në disa vende, mund të mos lejohet. Arsyeja për këtë është sa më afër që janë njerëzit, aq më shumë ekziston rreziku i transmetimit të virusit. Nëse plani juaj është të shkoni dhe të qëndroni në një vend gjatë gjithë ditës, duhet ta ndryshoni.
Mos luani sport në grup
Nëse lojërat në rërë mund të jenë rutina juaj e zakonshme e verës, sportet në skuadër nuk rekomandohen gjatë pandemisë. Të shoqëroheni me një grup njerëzish jashtë shtëpisë tuaj dhe të prekni të njëjtat sende rrit rrezikun e infektimit.
Mos harroni të vendosni maskat
Edhe në nxehtësinë e verës është e rëndësishme të vendosni maskë në çdo kohë që po bashkëveproni me njerëz jashtë shtëpisë tuaj. I gjithë qëllimi i të veshurit një maskë është kapja e pikave të frymëmarrjes që mund të bartin virusin nga përhapja tek të tjerët.
Mos ndani ushqim ose pije me të tjerët
Këtë verë lëreni mënjanë alturizmin, pasi të hani në grup dhe të shkëmbeni ushqime të ndryshme konsiderohet e rrezikshme.
Mos udhëtoni në një plazh të largët
Nëse jeni drejtuar drejt një komuniteti të ri, qoftë nëse është një orë larg ose në të gjithë vendin, gjithmonë ekziston shqetësimi se mund t’i vini të tjerët në atë komunitet në rrezik duke marrë virusin me vete. Është e rëndësishme të ndiqni masa paraprake siç është veshja e maskës dhe ruajtja e distancës fizike nga të tjerët përreth jush.
Mos dilni nga shtëpia nëse jeni i sëmurë
E keni dëgjuar këtë për muaj me radhë, por vazhdon të përsëritet: Qëndroni në shtëpi kur jeni të sëmurë. Nëse keni simptoma të Covid-19, të tilla si ethe ose kollë, ose keni qenë të ekspozuar ndaj virusit në 14 ditët e fundit, nuk duhet të dilni në publik.
